Denis Istomin Sidneydagi tennis turnirining yakkalik bahslaridan chiqib ketdi

O‘zbekistonning birinchi raqamli tennischisi Denis Istomin Avstraliyaning Sidney shahrida start olgan turnirdagi ishtirokini omadsiz boshladi, deb xabar qiladi “Olamsport”.

Foto: UZ24

Musobaqaning mukofot jamg‘armasi 461 ming 330 dollarni tashkil qiladi.
Qur’a natijasiga ko‘ra Istomin bugun, 11-yanvar kuni yakkalik bahslarining ilk davrasida Andreas Seppiga qarshi kortga chiqdi. Turnirda beshinchi raqam ostida tasniflangan italiyalik raketka ustasiga qarshi bahsda Istomin 4:6, 6:4, 2:6 hisobida imkoniyatni boy berib qo‘ydi. Endi Denis bor e’tiborini juftlikdagi ishtirokiga qaratadi.
Eslatib o‘tamiz, Denis Istomin o‘tgan hafta Brisben shahridagi o‘zi uchun mavsumning ilk turniri birinchi bosqichida qozog‘istonlik Mixail Kukushkinga imkoniyatni boy berib qo‘ygandi .
Ma’lumot uchun aytish joiz, Istomin kelasi hafta yilning dastlabki “Katta Dubulg‘a” turkumiga kiruvchi turniri Avstraliya Ochiq chempionatida ishtirok etadi.
Batafsil | Подробно | Read more... Daryo