Bill Geyts saratonni aniqlovchi universal testni ishlab chiqarishga investitsiya kiritdi

Amerikaning Illumina kompaniyasi saraton xastaligining rivojlanishini dastlabki bosqichlarida aniqlash uchun universal test ishlab chiqarish bo‘yicha loyihaning boshlanganligi to‘g‘risida ma’lum qildi. Bu haqda MIT Technology Review nashri ma’lumotiga tayanib, “RBK” xabar beradi .

Foto: “Top.re”

Grail nomini olgan loyihani amalga oshirish uchun yangi kompaniya tashkil etiladi. Loyihaga allaqachon 100 million dollardan ortiq mablag‘ kiritildi. Loyiha uchun Illumina kompaniyasining o‘zi, Microsoft asoschisi Bill Geyts, Amazon internet-riteylerining asoschisi Jeff Bezosning investitsiyaviy fondi Bezos Expeditions, shuningdek, ARCH Venture Partners investitsiyaviy kompaniyalari investorlik qilmoqda.
Illumina qon tahlili bo‘yicha testlarning 2019-yildan boshlab qo‘llana boshlanishini rejalashtirmoqda. Testni bir marta o‘tkazish ming dollar atrofida bo‘lib, uni odatdagi shifokorlar huzurida yoki maxsus markazlarda o‘tkazish mumkin bo‘ladi.
Tahlil texnologiyasi “suyuq biopsiya” deb atalib, uning yordamida inson qonidan saraton hujayralarining DNK fragmentlari qidiriladi.
Batafsil | Подробно | Read more... Daryo