Putin Asad Suriyadagi nizolar chog‘ida xatoliklarga yo‘l qo‘yganini tan oldi

Rossiya prezidenti Vladimir Putin Germaniyaning Bild nashriga bergan intervyusida Suriya prezidenti Bashar Asad mamlakatdagi nizolar chog‘ida xatoliklarga yo‘l qo‘yganini tan oldi, deb yozadi “Gazeta.ru”.

Foto: “Mpsh.ru”

“Suriya prezidenti Bashar Asad o‘z odamlarini bombardimon qildi va o‘n minglab qurbonlar uchun mas’ul, bu fakt. Asad — sizning ittifoqdoshingiz? Unday bo‘lsa, nima uchun?” — deya so‘rashdi jurnalistlar Putindan.
“Bu qiyin savol. Men prezident Asad ushbu nizo chog‘ida ko‘plab xatolarga yo‘l qo‘yganiga ishonaman”, — deya savolga izoh berdi Rossiya prezidenti.
Shu bilan birga, uning so‘zlariga ko‘ra, Suriyadagi nizo tashqaridan qurol-yarog‘, pul va jangarilar yordamida qo‘llab-quvvatlanib turmaganida, bunchalik kattalashib ketmagan bo‘lardi.
“Buning uchun kim javob beradi? Mamlakatni saqlab qolishga urinayotgan Asad hukumatimi? Yoki uni barbod qilishga intilib, hukumat bilan kurashayotgan isyonchilarmi?” — deya qo‘shimcha qildi Putin.
Batafsil | Подробно | Read more... Daryo