Jinoyat kodeksiga shaharsozlik bilan bog‘liq yangi jinoyat turi kiritildi

2015-yil 29-dekabr kuni O‘zbekiston Respublikasi Prezidenti Islom Karimov “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonunga imzo chekdi. Bu haqda “Xushnudbek.uz” xabar bermoqda .

“Xalq so‘zi” gazetasining 2015-yil 30-dekabrdagi 251-sonidan skrinshot

Mazkur hujjat asosida, 6 ta Kodeks va 28 ta Qonunga o‘zgartish va qo‘shimchalar kiritildi.
Xususan, Jinoyat kodeksiga shaharsozlik bilan bog‘liq yangi jinoyat turi kiritildi.
Mazkur qo‘shimchaga binoan, endilikda belgilangan taqiqlarni (cheklovlarni) buzgan holda binolarni, inshootlarni yoki boshqa obyektlarni qurish, rekonstruksiya qilish va kapital ta’mirlash, shunday harakatlar uchun ma’muriy jazo qo‘llanilganidan keyin sodir etilgan bo‘lsa, jinoiy harakat sifatida baholanadi.
Bunday holatda javobgar hisoblangan shaxs eng kam oylik ish haqining 30 baravaridan 50 baravarigacha miqdorda jarima yoki uch yilgacha axloq tuzatish ishlari bilan jazolanadi.
Qonunning to‘liq matni bilan www.lex.uz saytida tanishib chiqishingiz mumkin.
Batafsil | Подробно | Read more... Daryo