Barak Obama Kongressni IShIDga qarshi harbiy kuchdan foydalanishga ruxsat berishga chaqirdi

AQSh prezidenti Barak Obama Kongressni IShIDga qarshi harbiy kuchdan foydalanish uchun ruxsat berishga chaqirdi. Bu haqda “RIA Novosti” xabar bermoqda .

Foto: AP

“Kongress terrorchilarga qarshi urushda g‘olib chiqishimizni jiddiy niyat qilgan bo‘lsa, qo‘shinlarimiz va butun dunyoga buni yetkazishni istasa, IShIDga qarshi harbiy kuchdan foydalanishga nihoyat ruxsat berishi lozim”, — deya ta’kidlagan Obama Kongressga yillik murojaati chog‘ida.
2011-yilda Amerika maxsus bo‘linmasi tomonidan “Al-Qoida” yetakchisi yo‘q qilinganini nazarda tutar ekan, prezident “Amerikani yoki meni adolat qaror topishi uchun yetarlicha harakat qilmayotgan, deb hisoblasangiz, yaxshisi, buni Usama bin Ladendan so‘rang”, deya kinoya qilgan.
Hozirgacha AQSh Kongressdan ijozat olmay, prezident vakolatlariga tayanib, IShIDga zarba berib kelmoqda. Kongress sanksiyasi uzoq muddatli harbiy operatsiyani anglatishi mumkin.
Batafsil | Подробно | Read more... Daryo