Putin va Obama KXDRning vodorod bombasi sinoviga qat’iy reaksiya bildirishga chaqirdi

Rossiya prezidenti Vladimir Putin va AQSh prezidenti Barak Obama agar KXDRning vodorod bombasini sinovdan o‘tkazganligi tasdiqlansa, qat’iy xalqaro reaksiya bildirish zarurligini ma’lum qildi. Bu haqda “Gazeta.ru” xabar beradi .

Foto: AP Photo

“KXDR rahbariyatining vodorod bombasini sinovdan o‘tkazganligi haqidagi bayonoti munosabati bilan ikki mamlakat prezidentlari agar ushbu holat tasdiqlansa, bu BMT Xavfsizlik kengashi tegishli rezolyutsiyalarini qo‘pol ravishda buzish ekanligini ta’kidlab o‘tdi. Ular, shuningdek, bu harakat qat’iy xalqaro reaksiyasiz qoldirilmasligi zarurligiga urg‘u berdi”, — deyiladi rasmiy xabar matnida.
Eslatib o‘tamiz, Pxenyanda bo‘lib o‘tgan Koreya Mehnat partiyasi yig‘ilishida KXDR yetakchisi Kim Chen In vodorod bombasi sinoviga hissa qo‘shgan olimlar, texnologlar va ishchilarga mukofotlarni topshirgan edi .
Batafsil | Подробно | Read more... Daryo