Rossiyadagi onlayn-kazino Apple’dan 1 mln rubl talab qildi

Avvalroq Rossiyaning “Vulkan” onlayn-kazinosi, hozirda esa “‘Million’ o‘yin klubi” brendiga egalik qiluvchi Rossiyaning Crestoria Holdings kompaniyasi mahsulot belgilariga bo‘lgan alohida huquqlarini buzgani uchun Apple’dan 1 million rubl talab qilmoqda. Bu haqda Meduza xabar beradi .

Foto: MacDigger

Crestoria Holdings Apple’ning Rossiyadagi vakolatxonasi “Eppl Rus” MChJga nisbatan da’vosini Moskva hakamlar sudiga topshirdi.
Shikoyatchi, shuningdek, Apple’dan “AppStore’dan Apple qurilmalariga o‘rnatib bo‘lingan dasturlarda mahsulot belgisining qonuniy egasi kimligini ko‘rsatgan holda, yo‘l qo‘yilgan qonunbuzarlik haqida ixtiyoriy e’tirofni e’lon qilish”ni ham talab etmoqda.
Bunda gap aynan qanday mahsulot belgilari haqida borayotganiga sud hujjatlarida aniqlik kiritilmagan. Finstar investitsiya guruhi vakili so‘zlariga ko‘ra, da’vo “‘Pobeda’ davlat lotereyalari” kompaniyasi ishlatadigan “Pobeda” mahsulot belgisiga aloqador.
Apple’dagilar da’vo yuzasidan izoh bermadi.
Batafsil | Подробно | Read more... Daryo