Otabek Musayev “O‘zbekkino” bosh direktori etib tayinlandi

“O‘zbekkino” Milliy agentligi rahbari o‘zgardi. Agentlik matbuot xizmatining ma’lum qilishicha , shu vaqtgacha O‘zbekiston Prezidenti Devoni mas’ul xodimi lavozimida ishlab kelgan Otabek Musayev agentlikning yangi bosh direktori etib tayinlandi.

Otabek Musayev. Foto: O‘zbekiston Madaniyat va sport ishlari vazirligi matbuot xizmati

2014-yil 26-dekabrdan buyon “Respublika kinofondi” direktori Ahmadjon Umarov “O‘zbekkino” Milliy agentligi bosh direktori vazifasini vaqtincha bajaruvchi sifatida ishlab kelayotgan edi. U agentlikning sobiq bosh direktori, taniqli rejissor Jahongir Qosimov o‘rnini egallagandi.
Otabek Musayev bungacha O‘zbekiston madaniyat va sport ishlari vaziri o‘rinbosari sifatida ishlagan. Professional telejurnalist hisoblangan Musayev bir qator filmlar muallifi, “Kultura.uz” nashri ma’lumotlariga ko‘ra , Sport kinosi va televideniyesi federatsiyasi rahbari, shuningdek, qator davlat buyurtmasiga asosan olingan va xususiy kinostudiyalarida ishlangan filmlarda suratga tushgan.
Batafsil | Подробно | Read more... Daryo