Ennio Morrikone faoliyati davomida oltinchi marta “Oskar”ga nomzod bo‘ldi

Yuzlab kinofilmlarga musiqa yozish bilan mashhur bo‘lgan italiyalik bastakor Ennio Morrikone rejissor Kventin Tarantinoning “Jirkanch sakkizlik” (The Hateful Eight) filmiga ishlagan musiqasi uchun Amerika kinoakademiyasining “Oskar” mukofotiga nomzod bo‘ldi. Bu haqda “TASS” xabar qilmoqda .

Foto: EPA

87 yoshli bastakor ushbu ijodi bilan nufuzli “Oltin Globus” mukofotini qo‘lga kiritgan edi .
Binobarin, “Oltin Globus” uning mukofotlar g‘aladonida uchinchisi bo‘lgan bo‘lsa, bastakor hozirgi kunga qadar kinematografiyaga qo‘shgan hissasi uchun “Oskar” mukofoti bilan bir marotaba taqdirlangan. Morrikone Amerikaning “oltin ritsar” mukofotiga 1979-yildan buyon besh marotaba nomzod bo‘lgan.
Eslatib o‘tamiz, oldinroq “Eng yaxshi aktyor”, “Eng yaxshi aktrisa”, “Eng yaxshi rejissor”, “Eng yaxshi film” nominatsiyalari bo‘yicha “Oskar” mukofotiga nomzodlar e’lon qilingandi .
Batafsil | Подробно | Read more... Daryo