“Tolibon” jangarilari Afg‘oniston janubida yetti politsiyachini zaharladi

Afg‘oniston janubidagi Hilmond viloyati Garmsir uyezdidagi blok-postga 3-sentabr, payshanba kuniga o‘tar kechasi “Tolibon” harakati jangarilarining hujum qilishi oqibatida yetti nafar politsiyachi halok bo‘ldi. Bu haqda “RIA Novosti” xabar bermoqda .

Foto: RIA Novosti

“Politsiyachilarga qishloqdan sutli ichimlik olib kelingan. Ichimlikni ichgan politsiyachilar hushini yo‘qotgan, keyinroq ularni ‘Tolibon’ jangarilari otib tashlagan”, — deydi uyezd politsiyasi rahbari Timor Shoh Nazariy.
Nazariyning ma’lum qilishicha, huquqni muhofaza qilish organi xodimlari halok bo‘lganidan so‘ng, jangarilar ikkita xizmat avtomobilini olib ketgan. Politsiya tergov-qidiruv ishlarini olib bormoqda, biroq hozircha birorta gumonlanuvchi qo‘lga olingani yo‘q.
Hilmond viloyati qoradori yetishtirish bo‘yicha Afg‘onistonda yetakchi hisoblanadi. O‘tgan oy hukumat armiyasi “Tolibon” jangarilariga qarshi keng miqyosli operatsiya boshlaganidan so‘ng, viloyat hududida ayovsiz janglar yuz berishi odatiy holga aylandi.
Batafsil | Подробно | Read more... Daryo