Futbol bo‘yicha O‘zbekiston olimpiya terma jamoasi bosh murabbiyi Samvel Babayan U-23 Osiyo chempionati guruh bosqichi 2-turi doirasida Iroqqa qarshi uchrashuvda maydonga tushadigan futbolchilar nomini e’lon qildi. Bu haqda O‘FF matbuot xizmati xabar bermoqda .
Foto: Twitter / @uzbekistanff
Janubiy Koreyaga qarshi 1-tur uchrashuvidagi tarkib bilan taqqoslaganda, bu safar asosiy tarkibda, asosan himoya chizig‘ida bir qator o‘zgarishlar yuz berdi. Jumladan, o‘tgan o‘yinda himoya markazida harakat qilgan Maksimilian Fomin o‘rnini Javlon Mirabdullayev egalladi.
Janubiy Koreyaga qarshi uchrashuvda qizil kartochka olgani uchun, Iroqqa qarshi o‘yinda maydonga tusha olmagan Jamshid Boltaboyev o‘rnini esa, himoyachi Sardor Rahmonov to‘ldirgan. U birinchi uchrashuvda zaxiradan o‘yinga qo‘shilgan edi.
Darvoza, yarim himoya va hujum chizig‘ida o‘zgarish bo‘lmagan. Iroqqa qarshi maydonga tushadigan tarkib: Abdumavlon Abdujalilov — Sardor Rahmonov, Javlon Mirabdullayev, Vladimir Kozak, Akramjon Komilov — Otabek Shukurov, Javohir Sohibov, Eldor Shomurodov, Jamshid Iskanderov, Dostonbek Hamdamov — Igor Sergeyev (jamoa sardori).
Eslatib o‘tamiz, O‘zbekiston va Iroq olimpiya terma jamoalari o‘rtasidagi uchrashuv 16-yanvar, shanba kuni Toshkent vaqti bilan 21:30 da boshlanadi. Uchrashuvni ummonlik hakamlar guruhi boshqarib boradi. “Daryo” mazkur uchrashuvdan matnli onlayn uyushtiradi.
U-23 Qatar—2016. O‘zbekiston — Iroq. Onlayn
Batafsil | Подробно | Read more... Daryo
Top News
-
O‘zbekistonda 10 iyun kuni qanday ob-havo kutilayotgani ma’lum qilindi.
Janubiy hududlarda havo harorati 41 darajagacha ko‘tariladi..
-
Toshkent viloyatida 14 yoshli o‘smir kanalda cho‘kib ketdi.
Hozirda hodisa yuzasidan Bekobod tumani prokuraturasi tomonidan tergovga qadar tekshiruv harakatlari olib borilmoqda..
-
Samarqandda talabani yakuniy test imtihonlaridan o‘tkazishni va’da qilib 2 ming dollar olgan yigit ushlandi.
Surishtiruv jarayonlarida U.T. fuqarodan olgan 2 000 dollarning 700 dollarini o‘zida olib qolib, qolgan 1 300 dollarini jinoiy sherigi Bobur ismli...
-
Хави АПЛда ишламоқчи
«Барселона» клуби собиқ бош мураббийи Хави келажакда Англия премьер-лигаси клубларидан бирини бошқаришни кўзламоқда.
-
"Тоттенхэм" 55 миллион фунтга сотиб олган футболчисини текинга қўйиб юборди
Тангуй Ндомбеле "Тоттенхэм"ни бепул тарк этади.
-
O‘zbekiston o‘z tarixida birinchi marta BMT Iqtisodiy va ijtimoiy kengashiga saylandi.
Yashirin ovoz berish natijalariga ko‘ra, O‘zbekistonni BMTga a’zo davlatlarning 185 nafari qo‘llagan..