Bavariya bosh vaziri qochoqlar tufayli Merkelga ultimatum e’lon qildi

Bavariya bosh vaziri Xorst Zeexofer Germaniya kansleri Angela Merkelning muhojirlarni qabul qilish bo‘yicha siyosati tufayli unga ultimatum e’lon qildi, deb yozadi “RBK”. Bunday bayonotni u Spiegel jurnaliga bergan intervyusida aytib o‘tdi.

Foto: “RBK”

Uning so‘zlariga ko‘ra, yaqin 14 kun ichida Bavariya hukumati federal hukumatdan yozma shaklda chegaralarda muayyan yuridik me’yorlarni qayta tiklashni talab qilmoqchi. “Agar ular buni amalga oshirmasa, bizda ularni Federal konstitutsiyaviy sudga berishdan boshqa iloj qolmaydi”, — deya aniqlik kiritdi Zeexofer.
Uning ta’kidlashicha, federal hukumat siyosati qonunlarga mos kelmagani tufayli, u qochoqlarni boqish bo‘yicha xarajatlarni o‘z bo‘yniga olishi kerak.
Nashr eslatishicha, Germaniyaning Kyoln va boshqa qator shaharlarida Yangi yil arafasida ayollarga ketma-ket hujumlar amalga oshirilganidan so‘ng, noqonuniy muhojirlik mavzusi yana jamoatchilik diqqati markaziga tushdi.
Batafsil | Подробно | Read more... Daryo