Avstriya Shengen kelishuvini vaqtincha bekor qildi

Avstriya Shengen kelishuvini vaqtincha to‘xtatib, chegarasida ommaviy nazoratni joriy etadi. Bu haqda Oesterreich nashri bergan ma’lumotlarga asosan “RBK” xabar qilmoqda .

Foto: “Tonkosti Pro”

Avstriya kansleri Verner Faymanning ma’lum qilishicha, mamlakatga kirib kelayotgan har bir kishi kuchaytirilgan tarzda tekshiruvdan o‘tadi. Kim boshpana olishga noloyiq deb topilsa, yoki kimning boshpana berish haqidagi arizasi rad etilsa, u Avstriyani tark etishi lozim bo‘ladi.
Kanslerning ta’kidlashicha, Shengen qoidalari vaqtincha bekor qilinadi.
Fayman Yevropa Ittifoqi o‘zining tashqi chegaralarini himoya qilishga qodir bo‘lmasa, Shengen hududining xavfsizligini ta’minlash masalasi jiddiy muammo bo‘lib qolishini ma’lum qildi. “Bunday sharoitda, har bir davlat milliy chegaralarini o‘zi nazorat qilishi kerak”, ― dedi kansler.

Top News