Xonanda Yulduz Abdullayeva: 10 yil chegara qo‘shinlarida xizmat qildim

Xonanda, zaxiradagi kapitan Yulduz Abdullayeva Vatan himoyasi yo‘lida erkaklar bilan bir safda xizmat qilish ayol kishi uchun qiyin ekanligini tan oldi. U bu haqda “Bekajon” gazetasiga bergan intervyusida aytib o‘tdi.

Kadr: YouTube

“San’atdagi faoliyatim tufayli harbiy xizmatchi bo‘lish baxtiga muyassar bo‘ldim. Harbiylarga atalgan qo‘shiqlarimning yaralishi ham shu faoliyatim bilan chambarchas bog‘liq. Ko‘p bo‘lmasa-da, bu mavzuda kuylagan qo‘shiqlarim juda tez ommalashgan. Atrofimdagilar: ‘Sizga ko‘proq harbiy yo‘nalishdagi qo‘shiqlar yarashadi’, — deyishadi”, — dedi xonanda.
“‘Leytenant’, ‘Askar’, ‘O‘zbekiston ofitserlari’ singari vatanparvarlik ruhidagi qo‘shiqlarni kuylash ijrochiga katta mas’uliyat yuklaydi. Sababi, ijrochi qo‘shiqdagi vatanparvarlik ruhini o‘ziga singdira olishi va chin yurakdan ijro etishi, shu bilan birga, uni tinglovchiga yetkaza bilishi lozim”, — dedi Yulduz Abdullayeva.
“Men o‘n yilcha chegara qo‘shinlarida xizmat qildim. Bu yillarda yanada mukammalroq insonga aylana oldim, desam xato bo‘lmaydi”, — deya qo‘shimcha qildi xonanda.
Batafsil | Подробно | Read more... Daryo