Farhod va Shirindagi Shirinning “qaysidir so‘zi” Oybek va Nigoradagi Nigoraga og‘ir botdi

Oybek va Nigora oilaviy duetining so‘nggi suhbatlaridan birida, Nigora Farhod va Shirin musiqiy duetidagi Shirindan ranjiganini, aniqrog‘i, uning “qaysidir so‘zi” og‘ir botganini ta’kidlagan. Shirin “Bekajon” gazetasiga bergan intervyusida vaziyatga oydinlik kiritishga urindi.

Foto: “SB.uz” / “MP3uz.net”

“Buni menga boshqa yana bir inson ham aytdi. Rosti, bu haqda ilk bor eshitganimda, kulib yubordim. Nimagaligini tushuntiray”, — dedi Shirin. Xonandaning aytishicha, u ijtimoiy tarmoqlarda “deyarli yo‘q” — faqat Telegram messenjeridan foydalanadi.
“Keyin, san’atkor ayollarda mening telefon raqamim, qizlardan esa dugonalarim ham yo‘q. Qiziq, Nigora qandaydir gaplarni kimdan eshitgan? Birovni orqasidan yomonlaydigan odatim bo‘lmasa”, — dedi Shirin.
“Men uchun buning mutlaqo qizig‘i yo‘q. Agar meni kimdir yomonlasa, gunohim to‘kiladi, deb xursand bo‘laman. Nigora ham o‘sha gap-so‘zlarni xuddi shunday qabul qilsin”, — deya qo‘shimcha qildi Shirin.
Intervyu davomida “qaysidir gap-so‘z” aynan nima haqida ekanligiga aniqlik kiritilmagan.
Batafsil | Подробно | Read more... Daryo