AQShda oq tanli politsiyachi otib o‘ldirgan qora tanli erkakning oilasi 4,8 mln dollar tovon puli oladi

AQShda oq tanli politsiyachi tomonidan otib o‘ldirilgan qora tanli erkakning qarindoshlari 4,8 million dollar tovon puli oladi. Bu haqda mahalliy OAVlarga tayanib, “TASS” xabar bermoqda .

Foto: WCPO

2015-yilning 19-iyulida Sinsinnati Universiteti kampusini qo‘riqlayotgan 25 yoshli Rey Tensing 43 yoshli Semyuel Dyubouzning avtomobilini to‘xtatdi. Tergov davomida Tensingning ma’lum qilishicha, avtomobilining oldida raqami bo‘lmagan Dyubouz hujjatlarini ko‘rsatishdan bosh tortib, o‘zini tajovuzkorona tutgan. Shundan so‘ng politsiyachi bir marta o‘q uzgan. Qora tanli erkakning boshiga o‘q tegishi natijasida u halok bo‘lgan.
Politsiyachi ushbu hodisadan so‘ng huquqni muhofaza qilish organlaridan bo‘shatildi va sudga berildi. Agar u aybdor deb topilsa, umrbod qamoq jazosiga hukm qilinishi mumkin.
Tensingni yollagan o‘quv muassasasi marhumning qarindoshlariga ular talab qilgan 4,8 million dollarni to‘laydi va Dyubouzning yetim qolgan 12 bolasini shu universitetda bepul o‘qishiga imkoniyat yaratib beradi.
Batafsil | Подробно | Read more... Daryo