Angela Merkelning reytingi rekord darajada tushib ketdi

GFR kansleri Angela Merkelning Xristian-demokratik ittifoqi va Xristian-sotsial ittifoqidan tarkib topgan partiya bloki reytingi rekord darajada tushib ketdi. Bu haqda Erfurtning Insa-Consulere ijtimoiy tadqiqotlar instituti so‘rovlariga tayanib, “Korrespondent.net” xabar qilmoqda .

Foto: EPA

So‘rovnoma natijalariga ko‘ra, XDI/XSI reytingi 2,5 punktga pasayib, 32,5 foizni tashkil qilmoqda. Bu 2013-yilda bundestag uchun saylovlardan beri eng yomon ko‘rsatkichdir. Kanslerning obro‘si tushib borayotganiga uning qochoqlar masalasidagi pozitsiyasi asosiy sabab bo‘lmoqda.
Eslatib o‘tamiz, oldinroq Bavariya bosh vaziri Xorst Zeexofer Germaniya kansleri Angela Merkelning muhojirlarni qabul qilish bo‘yicha siyosati tufayli unga ultimatum e’lon qilgandi .
Bundan tashqari, XDI/XSI blokidan 50 deputat Merkelga xat yozib, undan muhojirlar masalasi bo‘yicha siyosatini o‘zgartirishni talab qildi.
Batafsil | Подробно | Read more... Daryo