Pokiston shimolidagi universitetga uyushtirilgan hujum oqibatida bir kishi halok bo‘ldi

Pokistonning Hayber-Paxtunxva viloyatidagi Charsadda shahrida joylashgan universitet hududiga qurollangan to‘rt kishi bostirib kirib, o‘t ochdi. Bu haqda “RIA Novosti” xabar bermoqda .

Foto: “RIA Novosti”

Pokiston shimolida yuz bergan mazkur hodisa oqibatida bir kishi halok bo‘lgan, yana olti kishi turli darajada tan jarohati olgani aytilmoqda.
Daily Pakistan nashri ma’lumotlariga ko‘ra, universitet kampuslari va talabalar yotoqxonalaridagi odamlar xavfsiz joyga ko‘chirilgan. Hodisa joyiga kuch tuzilmalari xodimlari va qutqaruvchilar yetib kelgan.
Guvohlarning aytishicha, universitet hududida kamida ikki marta kuchli portlash yuz bergan. Hujum uyushtirilgan vaqtda universitetda 3 mingga yaqin talaba bo‘lgan.
Universitet rektorining ma’lum qilishicha, talaba va o‘qituvchilarning hech biriga zarar yetmagan.
Batafsil | Подробно | Read more... Daryo