Pokistondagi universitetga uyushtirilgan hujum qurbonlari soni 21 nafarga yetdi

Pokiston politsiyasi Hayber-Paxtunxva viloyatidagi Charsadda shahrida joylashgan universitetga uyushtirilgan hujum natijasida 21 kishi halok bo‘lgani haqidagi axborotni tasdiqladi. Bu haqda “RIA Novosti” xabar bermoqda .

Foto: “RIA Novosti”

Avvalroq Dawn nashri Edhi Foundation notijorat insonparvarlik tashkiloti ko‘ngillisi taqdim etgan ma’lumotlarga asoslanib, jangarilar hujumi natijasida kamida 15 kishi halok bo‘lgan, 50 kishi tan jarohati olganini ma’lum qilgandi .
20-yanvar, chorshanba kuni tongda bir guruh qurollangan shaxslar Charsadda shahridagi universitetga bostirib kirdi. Taxminlarga ko‘ra, oliygohga to‘rt nafardan sakkiz nafargacha jangari hujum qilgan. Ulardan to‘rt nafari yo‘q qilingani haqida avvalroq xabar berilgan edi.
Hujum yuz bergan vaqtda oliy ta’lim muassasasida 3 mingga yaqin odam bo‘lgan. Halok bo‘lganlar orasida universitetning ximiya kafedrasi professori ham borligi aytilmoqda. Hujum uchun javobgarlikni “Tolibon”ning Pokistondagi bo‘linmasi o‘z zimmasiga olgan .


Pokistondagi universitetga uyushtirilgan hujum



Batafsil | Подробно | Read more... Daryo