Rossiyalik senator dollar kursini 40 rubl qilib belgilashni taklif qildi

Senator Sergey Kalashnikov Rossiya Markaziy banki dollar kursini belgilashi kerakligini ta’kidladi. Uning so‘zlariga ko‘ra, Amerika valyutasi 40 rubl atrofida bo‘lishi kerak. Kalashnikov konversiyalanadigan boshqa valyutalarning kursini ham belgilash kerakligini aytdi, deb xabar beradi Meduza.

Foto: “RIA Novosti”

Federatsiya Kengashida Kalashnikov Iqtisodiy siyosat bo‘yicha qo‘mita raisi o‘rinbosari hisoblanadi.
Senatorning fikricha, rublga nisbatan kurs belgilansa, mamlakatda valyutaning “qora bozori” vujudga keladi, ammo bu mamlakat uchun asosiy muammo emas.
Rossiya Markaziy bankining 22-yanvardagi kursi bo‘yicha bir dollar 83,6 rublga teng. Markaziy bank bir yevroning qiymatini 91,2 rublga teng deb baholagan. Oxirgi marta dollar 2014-yilning oktabrida 40 rubl atrofida bo‘lgan.
Agar Markaziy bank kursni belgilashni boshlasa, valyutalar kursini ushlab turish uchun barcha majburiyatlarni o‘z zimmasiga oladi. Buning uchun bank valyuta zaxiralaridan foydalanadi. Markaziy bank valyutaga bo‘lgan talab va taklifni qondira olishi kerak.
Batafsil | Подробно | Read more... Daryo