Homilaning ichida operatsiya qilingan chaqaloq

Suratda — hali tug‘ilmagan, homilada paydo bo‘lganiga 21 hafta to‘lgan chaqaloq va uni Jozef Bryuner ismli jarroh operatsiya qilmoqda, deyiladi “Interesno”dagi maqolada .

Foto: “Interesno”

Chaqaloqqa Spina bifida (umurtqa pog‘onasidagi xastalik) tashxisi qo‘yilgan, agar uni onaning homilasidan chiqarib olishsa, halok bo‘lardi. Shu sababli jarroh chaqaloqni homilaning ichida operatsiya qilishga qaror qiladi.
Doktor Bryuner mitti Semyuelni operatsiya qilishni yakunlaganida, bolakay o‘zining kichkina, lekin to‘laqonli rivojlangan qo‘lini homila tuynugidan chiqarib, jarrohning barmog‘idan mahkam ushlab oladi.
Doktor Bryunerning aytishicha, uning hayotida bundan-da hayajonliroq lahza bo‘lmagan — u operatsiya jarayonining o‘rtasida tosh qotib, qimirlashga ham kuch topolmay qolgan.
Suratga “Umid qo‘li” deb nom bergan noshirlarning fikricha, Semyuel Aleksander Armas shu yo‘l bilan mehribon jarrohga minnatdorchilik bildirgan. Chaqaloqning onasi esa bu suratni ko‘rganidan keyin bir necha kun davomida yig‘lashdan o‘zini to‘xtata olmagan.

Foto: “Interesno”

Operatsiya 100 foiz muvaffaqiyatli o‘tdi, Semyuel to‘la sog‘lom holda dunyoga keldi. Jarrohga qarata “umid qo‘li”ni uzatgan bolakay hozir 7 yoshga to‘lgan.
Batafsil | Подробно | Read more... Daryo