Saudiya Arabistoni AQSh qarzlarining bir qismini sotishi mumkin

Saudiya Arabistoni neft narxining tushib borishidan mamlakat ko‘rayotgan zararni qoplash uchun AQSh qarzlarining bir qismini sotishi mumkin. Bu Amerikaning davlat qarzlari bozoriga salbiy ta’sir qilishi mumkin. Bu haqda Bloomberg agentligiga tayanib, “Vedomosti” xabar qilmoqda .

Foto: “Vesti Ekonomika”

Amerika g‘aznasining Ar-Riyodga qancha qarz ekanligi noma’lum. Qo‘shma Shtatlar g‘aznasi o‘zining qimmatbaho qog‘ozlariga egalik qiluvchi mamlakatlar haqida alohida ma’lumot beradi. Shunga qaramay, neft qazib oluvchi Yaqin Sharq va Afrikaning 13 mamlakati Amerika g‘aznasi hujjatlarida bir guruh sifatida ko‘rsatilgan.
2015-yil noyabrdagi ma’lumotlarga ko‘ra, ushbu guruh Amerika g‘aznasining 289 milliard dollarlik qimmatbaho qog‘ozlariga egalik qiladi. Bu mamlakatlar ichida Amerikaning qarz majburiyatlarining eng kattasi qismi Saudiya Arabistoniga tegishli ekanligi taxmin qilinmoqda.
Batafsil | Подробно | Read more... Daryo