Барак Обама республикачиларни «ақлдан озганлар» деб атади

АҚШ президенти Барак Обама 24 август, душанба куни Лас-Вегасда Демократик партия жамғармаси учун маблағ тўплаш маросимидаги нутқи чоғида «бир қатор масалаларни ҳал қилишда бу ақлдан озганлар билан қандай ишлаш мумкинлиги»ни демократларнинг Сенатдаги етакчиси Гери Рид билан муҳокама қилишга мажбур бўлаётганини айтиб ўтди, дея хабар бермоқда «Knews.kg».

Фото: knews.kg

Обама «ақлдан озганлар» деганда маросимга йиғилганларнинг бирортаси ҳам президент Конгрессдаги республикачилардан иборат сиёсий рақибларини назарда тутганига шубҳа қилгани йўқ. Ҳақиқатан ҳам, республикачилар ҳозирги вақтда Эрон ядровий дастури бўйича келишувни тўхтатиб қўйишга ҳаракат қилмоқда.
Оқ уй матбуот котиби ўринбосари Эрик Шулц Обаманинг мазкур баёнотини изоҳларкан, президент ҳақиқатан ҳам Капитолий тепалигидаги баъзи ташаббуслар билан боғлиқ муаммоларни Рид билан муҳокама қилишга мажбур бўлаётганини тан олди, айни вақтда, бунда гап Эрон ядровий дастури ҳақида эмас, балки бошқа масалалар ҳақида борганини қўшимча қилди.
Шу билан бирга, Оқ уй матбуот котибининг ўринбосари Обама ўша кунги нутқи вақтида «бироз қизишиб кетгани» ҳақидаги фикрга қўшилишини билдирди.


Batafsil | Подробно | Read more... Daryo