Xonanda Rayhon 19-aprelga o‘tar kechasi Instagram’dagi sahifasiga o‘zining jilmayib turgan suratini joylashtirdi. Suratga ilova qilingan falsafiy mulohazalar turli bahs-munozaralarga sabab bo‘ldi, deb yozadi “Darakchi.uz”.
Rayhon shunday deb yozadi : “Sevimli insonlarni yurakdan yulib tashlab bo‘lmaydi. Ularni vaqtincha tark etish, unutish, aldash mumkin. Biroq yo‘llar baribir ular tomon chorlaydi. Sevimli insonlarning xatolarini kechirish darkor. Sevimli insonlar ‘sobiq’ bo‘lmaydi. Sevimli insonlar bizning dunyomizni yoritguvchi quyosh kabidir”.
Skrinshot: Instagram / @rayhonganieva
“Darakchi.uz”ning yozishicha, bu so‘zlardan ta’sirlangan Rayhon muxlislarining aksariyati boshqa bir xonanda — Lolaning 18-aprel kuni premyerasi bo‘lib o‘tgan “Sog‘indim” klipini muhokama qilmoqda. Klipda bosh rollarni Lola va aktyor Yigitali Mamajonov ijro etgan (Yigitali Mamajonov 2012-yil noyabrida xonanda Rayhon bilan turmush qurgan edi, 2015-yil yanvarida esa Rayhon ajrashishga ariza bergani ma’lum bo‘lgandi ).
Lolaning “Sog‘indim” klipidan kadr
“Dugonam deb yurganingiz Lola atayin Yigitali bilan klip qilib, unga yopishib, o‘zini unga yaqinlashtirdi, shu yaxshimi endi? Lolaga Yigitalidan boshqasi qurib qolganmi? Nega aynan Sizning eringiz bilan?”, — deb yozdi foydalanuvchilardan biri. “Bilasizmi, bu hasad! Lolaga bunday er nasib qilmagan bo‘lsa-da, bitta klipda Yigitali bilan bir umr hayot kechirganday bo‘ldi? Lola o‘zini Sizning o‘rningizda tasavvur qilib ko‘rdi”, — dedi boshqa bir foydalanuvchi.
Lolaning “Sog‘indim” klipidan kadr
“Lolani hurmat qilaman, yaxshi ko‘raman, ammo bunday klip olishini tasavvur ham qilmagandim. Bizni o‘zbekchilikda ayollar begona erkaklar bilan bunday quchoqlashishlari — xoh san’atkor, xoh oddiy inson bo‘lsin — gunoh-ku. Musulmonchilikka umuman to‘g‘ri kelmaydi”, — deb yozadi yana bir foydalanuvchi. “Bunga ishonolmayapman. Lola ‘Sog‘indim’ klipiga qadar sevimli xonandam edi. Klipni ko‘rib, Rayhon uchun yig‘ladim. Lola Rayhonning ikki bolasini gunohini oldi. Men undan nafratlanaman!”, — deb yozadi boshqa bir foydalanuvchi.
Lolaning “Sog‘indim” klipidan kadr
Rayhon muxlislarining izohlarini javobsiz qoldirgan. Ikki guruhga ajralgan internet foydalanuvchilari esa Lolaning yangi klipi muhokamasini davom ettirgan. Bir guruh foydalanuvchilar tobora qattiq bahsga kirishgan muxlislarni tinchlantirishga uringan.
Lolaning “Sog‘indim” klipidan kadr
“Odamlar, tinchlaninglar, agar Yigitali Lolaning klipida rol ijro etgan bo‘lsa, bu ularning Rayhonning jig‘iga tegish uchun hamkorlik qilganini anglatmaydi. Ular ‘Jonim, sog‘indim’ klipida ham birga rol ijro etgan. Rayhon bunga e’tibor bermagan bo‘lsa kerak, chunki Lola va Yigitalining har ikkalasi ham ijodkor”, — deydi foydalanuvchlardan biri. “Bunga faqat klip sifatida qarash kerak. Agar Lola va Yigitali hayotda shunaqa ish qilganida, unda bir narsa desang, o‘rinli bo‘lardi. Kino, klip — bu hammasi kasb bilan bog‘liq narsalar”, — deydi bir kommentator.
Lolaning “Sog‘indim” klipidan kadr
Lolaga qaratilgan tanqidlardan asabiylashgan bir foydalanuvchi shunday qo‘shimcha qilgan: “Sizlardek ongi past odamlarni birinchi marta ko‘rishim. Yigitali ishlamasa — xotinining puliga yallo qilib yurgan kishi, ishlasa — yana gap. Qanday odamsiz o‘zi? Rayhonning Yigitali bilan ishi yo‘q. Sizlarga kim qo‘yibdi begona erkakni muhokama qilishni?”.
Lolaning “Sog‘indim” klipidan kadr
Batafsil | Подробно | Read more... Daryo
Top News
-
"Барселона" Де Йонгнинг жароҳатидан фойда олади
Футболчи жароҳат олган тўпиғини даволашга улгурмади ва Нидерландия терма жамоасига ёрдам бермайди.
-
O‘zbekiston haqida noma’qul gap aytgan chet elliklarning O‘zbekistonga kirishi taqiqlanadi.
Deputatlar ishlab chiqqan qonun loyihasiga ko‘ra, O‘zbekistonning davlat suverenitetiga, hududiy yaxlitligiga va xavfsizligiga zid bo‘lgan,...
-
"Барселона" ҳимоячиси "Ан-Наср"га ўтиши мумкин
Дания терма жамоаси ва “Барселона” ҳимоячиси Андреас Кристенсен Саудия Арабистони чемпионатига ўтиши мумкин.
-
Фергюсон "МЮ"га янги бош мураббий танлаб қўйди
"Манчестер Юнайтед" омадсиз мавсумдан сўнг бош мураббийни ўзгартириши мумкин.
-
"Ливерпуль" вингери "Барселона" томонидан билдирилаётган қизиқишга муносабат билдирди
"Ливерпуль" вингери Луис Диас "Барселона" томонидан бўлаётган қизиқишлар ҳақида фикр билдирди.
-
Janubiy Koreya prezidenti uch kunlik tashrif bilan O‘zbekistonga keladi.
13-15 iyun kunlari Koreya Respublikasi prezidenti Yun Sok Yol davlat tashrifi bilan O‘zbekistonga keladi. Bir qator hukumatlararo va idoralararo...