BMT Taraqqiyot Dasturining “Savdo rivojlanishiga ko‘maklashish” loyihasi tomonidan “Markaziy Osiyoda mintaqaviy savdoni rivojlantirish” Dasturi hamkorligida xalqaro mutaxassis A. Kuznetsovni (Latviya) jalb qilgan holda eksport/import jarayonlari bo‘yicha ruxsatnomalar berishga qaratilgan biznes jarayonlarini soddalashtirish va reinjiniring qilish masalalariga qaratilgan davra suhbati tashkil qilindi. Bu haqda BMT TD va O‘zbekiston Respublikasi Tashqi iqtisodiy aloqalar, investitsiyalar va savdo vazirligining birgalikdagi press-relizida aytiladi.
Foto: BMT TD
Davra suhbati mobaynida xalqaro mutaxassis tomonidan BPMN (Business Process Modeling Notation — biznes jarayonlarini modellashtirish uchun shartli belgilar/notatsiyalar tizimi) metodologiyasini qo‘llash orqali fitosanitariya sertifikati, sanitar-gigiyenik xulosa, muvofiqlik va kelib chiqish sertifikatlarini olish jarayonlarining soddalashtirilgan variantlari taqdim etildi. Biznes jarayonini soddalashtirish uchun ekspert tomonidan qo‘llanilgan uslub va jihatlar ishtirokchilarda alohida qiziqish uyg‘otdi.
Yuqorida qayd etilgan sertifikatlarni berish jarayoning takomillashtirilgan variantlarini ko‘rib chiqish natijasida ularni soddalashtirish borasida bir qator imkoniyatlar mavjudligi aniqlandi. Bular, murojaat etuvchilar bilan muloqot, moliyaviy-xo‘jalik masalalari yechimiga ketadigan vaqtni qisqartirish va umuman olganda, butun jarayon bandlarini soddalashtirish kabilardir.
Xususan, reinjiniring uslublarini qo‘llash natijasida kelib chiqish sertifikatlarini 30 foizga (avtomatizatsiyada — 87%), muvofiqlik sertifikatini — 38 foizga (avtomatizatsiyada — 77%), sanitariya-epidemilogik xulosani 6 foizga (avtomatizatsiyada — 81%), fitosanitariya sertifikatini — 34 foizga (avtomatizatsiyada — 81%)gacha berish jarayonlarini soddalashtirish mumkinligi e’tirof etildi.
Davra suhbatining natijalariga binoan, “Elektron hukumat” tizimini rivojlantirish Markazining bo‘lim boshlig‘i I. Nasrullayev xalqaro ekspert olib borgan ishlarni yuqori baholab, biznes jarayonlarni takomillashtirish hisobiga vazirlik va idoralarning faoliyati samaradorligini oshirish bo‘yicha taqdim etilgan takliflarni kelgusida amaliy qo‘llanishida qiziqish bildirdi.
“Savdo rivojlanishiga ko‘maklashish” loyihasi “Markaziy Osiyoda savdo rivojlanishiga ko‘maklashish – III bosqich” mintaqaviy loyihasining O‘zbekistodnagi milliy komponenti. Ushbu loyiha davlat organlarini xalqaro va mintaqaviy savdoni rivojlantirish bo‘yicha salohiyatini yanada oshirish, savdoga ko‘maklashuvchi tashkilotlarni qo‘llab-quvvatlash, aholining savdo va ishlab chiqarish bo‘yicha salohiyatini va qishloq xo‘jalik mahsulotlarini qayta ishlash bo‘yicha ilg‘or usullarni amaliyotga tadbiq qilish orqali aholi daromadlarini oshirish va yangi ish joylarini yaratishda yordam berishga qaratilgan.
Batafsil | Подробно | Read more... Daryo
Top News
-
Спалетти: "Қаҳрамонлар футболдан қўрқмайдилар"
Италия терма жамоаси бош мураббийи Луцано Спалетти Европа чемпионати олдидан жамоаси ортиқча босим остида эмаслигини айтди.
-
“Qaror chiqqan kundan to‘lovni boshlayman” – Munira Kariyeva tovon pulini qoplab berish borasida so‘zida turishini ma’lum qildi.
14 iyun kuni “Dok-1 Maks” ishi bo‘yicha davom etgan apellyatsiya sudida Sardor Kariyevning onasi Munira Kariyeva shaxsan ishtirok etib,...
-
O‘zbekiston va Janubiy Koreya rahbarlari Toshkentdagi muzokaralar yakunlarini yuqori baholadi.
O‘zbekiston prezidenti Shavkat Mirziyoyev va Janubiy Koreya prezidenti Yun Sok Yol ommaviy axborot vositalari vakillari uchun bayonot berdi. .
-
Toshkent va Dehli o‘rtasida parvozlar soni oshiriladi.
Avgust oyidan O‘zbekiston poytaxti va Hindiston poytaxti o‘rtasida har kuni parvoz qilish mumkin bo‘ladi. .
-
“Prezident zamonaviyroq va dunyoga yanada bog‘langan davlat qurmoqchi” – AQSh Savdo vakili.
11-12 iyun kunlari AQSh Savdo vakili Ketrin Tay O‘zbekistonda bo‘lib, qator rasmiylar, xususan, prezident Shavkat Mirziyoyev bilan ham uchrashdi....
-
Тен Хаг ва унинг яна бир шогирди ўртасида муносабатлар яхши эмас
Эрик тен Хаг Антонининг жорий мавсумдаги ўйинини қаттиқ танқид қилди.