O‘zbekistonning birinchi raqamli tennischisi Denis Istomin Australian Open’ning ikkinchi davrasidagi kutilmagan g‘alabasi bilan nafaqat jahon nashrlari sarlavhalarida , balki Twitter’ning jahon trendida ham paydo bo‘ldi.
Mavzuga doir: “U jahonning 117-tennischisi hisoblangan o‘zbekistonlikka mag‘lub bo‘ldi”. Dunyo nashrlari Denis Istominning Jokovich ustidan g‘alabasini qanday kutib oldi?
Denis Istomin 19-yanvar, payshanba kuni Avstraliya ochiq chempionati ikkinchi davrasi doirasida jahonning ikkinchi raketkasi, musobaqaning esa olti karra va shu bahsgacha amaldagi g‘olibi sanalgan serbiyalik Novak Jokovichga qarshi kortga chiqdi.
Bungacha Jokovichga qarshi besh marta bahs olib borib, faqat bitta setda g‘alaba qozongan Istomin bu safar serbiyalik tennischiga qarshi besh set mardonavor kurash olib borib, setlar bo‘yicha 3:2 hisobi bilan g‘alaba qozondi va sensatsion natija qayd etdi.
Mavzuga doir: Denis Istomin jahonning 2-raketkasi Novak Jokovichni qanday taslim qildi? (video)
Istomin — Jokovich bahsi yakuniga yetishi bilan, har ikkala tennischining familiyasi Twitter’da eng ko‘p muhokama qilinayotgan mavzulardan biriga aylandi. O‘yin tugagan vaqtda Istominning familiyasi trendda ikkinchi o‘rinda, Jokovichniki esa to‘rtinchi o‘rnida turgan edi. Mazkur xabar yozilayotgan vaqtda Istomin nomi 4-o‘ringa tushgan edi.
So‘nggi vaqtlarda O‘zbekistonga bog‘liq mavzularning, ayniqsa sport tadbirlari vaqtida Twitter’ning jahon trendiga chiqishi odatiy holga aylangan. Jumladan, 2016-yilning fevral oyida Saudiya Arabistoni futbol klublariga qarshi to‘p surgan Toshkentning “Paxtakor”, “Bunyodkor” va “Lokomotiv” jamoalari Twitter’da eng ko‘p muhokama qilingan mavzular qatoridan o‘rin ola bilgan edi .
Bundan tashqari, O‘zbekistonning o‘zida turli sanalar, tadbirlar munosabati bilan u yoki bu kalit so‘zlar (heshteglar)ni Twitter trendiga chiqarish bo‘yicha tashabbuslar 2012-yildan beri mavjud. O‘tgan yillar davomida #uzb21, #uzb22 , #uzb24 , #IrmatovBest , #Navoiy575 , #BoburDay kabi heshteglar mahalliy faollarning harakatlari bilan Twitter trendiga chiqarilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo
Related News
Top News
-
Qirg‘iziston parlamenti oiladagi zo‘ravonlik uchun jazoni kuchaytirishga qarshi chiqdi.
Deputatlar qirg‘iz mentalitetini unutmaslikka chaqirib, qonun loyihasini qaytarib yuborishdi..
-
Контенинг "Наполи" билан шартномасидаги бир банд ойдинлашди
Антонио Конте "Наполи" билан шартнома имзолашга яқин турибди.
-
Milliy mass-mediani qo‘llab-quvvatlash fondiga yangi rahbar tayinlandi.
Jurnalistika va kommunikatsiya sohasida tajribaga ega Jahongir Azimov Mass-media fondi direktori etib tayinlandi. .
-
Yuridik shaxslar uchun elektr va gaz iste’moliga oshuvchi koeffitsiyent joriy etilishi mumkin .
Yuridik shaxslar uchun belgilangan limitning 10 foizidan ortig‘i miqdorida gaz yoki elektr energiyasi iste’moli uchun oshuvchi koeffitsiyentlar...
-
Finlandiya Ukrainaga Rossiyadagi nishonlarga qarshi fin qurolini ishlatishga ruxsat berdi.
Ukraina mudofaa maqsadida Rossiya hududidagi nishonlarga Finlandiya qurollari bilan zarba berish huquqiga ega, dedi Finlandiya tashqi ishlar vaziri...
-
Xorazmda “shikoyatchi fuqarolar” ro‘yxati tuzildi. Bunday ta’qib uchun javobgarlik bor.
Ro‘yxatga “ariza tashkillashtirishni odat qilib olgan”lik aybi bilan viloyatning 5 ta hududi kesimida 44 nafar fuqaro kiritilgan..